Мордовия республикава прокуратурась ёвтынзе 2026 иень якшамковсто-медьковсто криминальной статистикань цётамотнень.

Мордовия республикава прокуратурась ёвтынзе 2026 иень якшамковсто-медьковсто криминальной статистикань цётамотнень. Тешкстазь преступлениятне киртявсть 14,2% ютазь иень теке шканть коряс — 4303-сто саезь 3691-с. Пек стака преступлениятне аламолгадсть 81%, стакатне — 5,7%, средней сталмось — 24,9%. Текень пингстэ 9,9% ламолгадсть аволь покш сталмонь преступлениятне. Сынь саить весе преступностенть пелензэ-51%. Пек стакатнеде — ансяк 3,1%, стакатнеде — 26,8%, средней сталмост-19,1%. Сехте ламо зыянов тевть тешкстазь Саранскойсэ: Ленинской районось — 667, Октябрьской — 727, Пролетарской — 576. Истя жо Рузаевской районсо — 350. Сехте аламо — Кадошкинань (10), Покш Игнатовань (11) ды Теньгушевань (14) районтнэсэ. Ютазь иенть коряс 10,5% седе аламо преступленият теезь общественной таркатнесэ, 18,3% — эрямонь секторсонть, 15,6% — куротнесэ.  28,1% ламолгадсть кудоютконь зыянов тевтне. 9,1% киртявсть IT-преступлениятне, 78,8% — наркотиктнень коряс. Коррупциянь преступлениятне аламолгадсть 2,9%, экономическойтне — 16,2%. 25,6% седе аламо зыянов тевть тейсть18 иеде седе вишкинетне, 75,5% — омбо масторонь эрицятне. Текень пингстэ 12,5% ламолгадсть преступлениятне, конатнень топавтызь икеле судязетне.Сехте сеедьстэ вастневицякс кадовить манчематне — 1440 (39% весе зыянов тевтнень эйстэ) ды саламотне — 558 (15,1%). Республикасонть панжовить 49,9%. Пек стака зыянов тевтне панжовить 82,8% тевтнесэ.Зыянов тевтнень кувалма чавовсть 36 ломанть (12,2% седе аламо), сынст ютксо 16 — ДТП-сэ. Шумбрачинтень покш зыян кандсь 44 ломантненень (34,3% валгстомась).