МАРИНЬ СЛЁТСЬ КОЧКАСЬ ИНЖИХТЬ РОССИЯНЬ ЭРЬ КОДАМА УЖЕНЯСТА!
Опубликовано Вайгель - 14.07.2022
8 июльста сявомок 13 июльс молезь Марий Эл республикань Мари-Туреконь Сардаял велеса ётась Од ломанень марнек Россиянь 14-це съездсь.
Кучф заявкатнень коряс кочкавсть стирьхть и цёрат аф аньцек Марий Элонь райоттнень эзда, но и лия регионцта, коса эряйхть маритне: Удмуртияста, Башкортостанцта, Татарстанцта и лия уженятнень эзда. Съезтть эса примасть участия инжихть финно-угрань региоттнень эзда: Мордовияста и Коми республикаста. Мордовияста мокшень и эрзянь нароттнень, кяльхнень, культурать колга азондсть журналистсь, тонафтысь Александр Данильчев, «Вайгель» радиопрограммань корреспондентсь Оксана Белкина, эрзянь и мокшень морот участникненди казсь Артём Мамаев.
