Кото иетнень перть «Жилье и городская среда» нацпроектэнть лувсо Мордовиясо паролгавтозель 57 общественной таркат

Опубликовано - 23.01.2025

Те лездась одкстомтомс республикань оштнэнь ды велетнень мазычист. Саранскойсэ, буетнень куншкакуротнесэ ды велетнесэ появасть паркт, скверт ды площадть.

Ансяк мелят паролгавтозель 11 общественной тарка. Саранскойсэ роботат мольсть Гожувская куросонть. Тосо одкстомтызь площаденть ды паролгавтызь Октябрьской пельксэнь администрациянть вакссо скверэнть.

Истяжо мелят паролгавтызь Славань Аллеянть Рузаевкасо, парконь зонанть Лямбирьсэ, Скверэнть Краснослободскойсэ, общественной территориятнень Атяшевасо ды Покш Березниксэ, прявт площаденть Сыре Шайговасо, парктнень Дубенкасо, Зубово Полянасо, Умётсо ды Чамзинкасо.

Теде башка, 2019-це иестэнть саезь 2024-це иенть самс республикасо одстомтозельть кудотнень икеле 309 территорият. Эйсэст полавтызь асфальтэнть, ютавтсть валдомтома, путсть эземть ды урнат. Ламотнесэ появасть эйкакштнэнь туртов налксемань площадкат.

«Формирование комфортной городской среды» федеральной проектэсь те иестэнть саезь совась «Инфраструктура для жизни» нацпроектэнть лувс. Ды седе товгак карми лездамо паролгавтомо общественной таркатнень.


Вайгель эфир по будням: с 13.00 до 13.30 – на эрзянском языке, с 13.30 до 14.00 – на мокшанском языке

Current track

Title

Artist