Кода школатнесэ ютыть линейкатне?
Опубликовано Вайгель - 20.05.2021
Тенде Оперштабонь промкссонть ёвтнизе Мордовия Республикань прявтонь тевтнень топавтыцясь Артём Здунов.
Панжиковонь оймсема читнеде мейле коронавирусонть марто ситуациясь Мордовиясо стакалгадсь. Ормалгадыцятнень ютксто сехте ламотнень апак путо прививкат. Секскак вакцинациясь эряви весенень.
Истя, 9-це ды 11-це классо тонавтницятнень линейкаст ютыть панжиковонь 22-це чистэ. Бути пертьпельксэсь карми вадря, линейкатне ютыть ушосо. Сестэ карми меревеме самс вейке школьникенть марто вейке ломаннень семиянть эйстэ. Бути линейкатне ютыть школа потсо, сестэ киненьгак сакшномс а мереви.
Лия эйкакштнень туртов тонавтнемань иесь прядови 28-це эли 29-це читнестэ. Те — кие кода тонавтни. Линейкат сынст туртов а ютыть.
Эйдень кужотнесэ меельце утренникев аватненень-тетятнень самс а мереви.
Фото: info-rm.com
Вам также может понравиться
Читать далее
