Кочкур буесэ кармить кастомо «меремчатат»

Екатерина Модинань «Мерема» фольклоронь ансамблянть содасызь аволь ансяк Россиянь регионтнесэ. Мик томбалеяк – Финляндиясо, Эстониясо, Германиясо ды лиясо.

Неень шкатнестэ аламот морыть фольклоронь морот. Секскак Саранскоень Культурань кудосо тедеде панжозель «Меремчата» эйкакшонь студиясь. Эряви меремс, ошонь эйкакштнень ютксо аламот содасызь тиринь кельтнень. А вана велетнесэ – седе улить.

Тень коряс яволявтозель мель пурнамс истямо ансамбля Кочкур буень Культурань ды национальной ремёслань центрасо. Эйкакштнень кармить тонавтомо Екатерина Модинань тонавтницянзо, «Мерема» ансамблясо морыцятне, Наталья Зудилина ды Наталья Дворянцева.

Ансамбляв пурныть 8-15 иесэ эйкакшт.Вастоматне кармить ютамо кавксть таргонтень, питневтеме.