Атяшева аймакса панжеви соксса арнема комплекс

Мордовиять оцюняц Артём Здунов ульсь Атяшева аймакса и ванозе «Каменка» соксса арнемань комплексть, конань ёрайхть панжемс тя кизоня.
Тя сезонцта эвондайхть 3 трассат: тонафнемань, основной и тюбинг лангса арнеманди. Эрть эса кармай покодема подъёмник. Комплекссь марнек панжеви Од кизонь илатнень малас.
Ся пингс тоса панжевихть кафет, медпункт и вещань кайсема вастт. Панжеви каток, ули кода сявондемс сокст, сноубортт, конькат, тюбинкт. Кармайхть покодема инструкторхт, эвондайхть 20-шка покодемань васта. Артём Здунов китькстазе: «Проектсь пяк цебярь. Минь лезттама ётафтомс ётка пингснон аф аньцек минцень эряеньконь, но и терттяма туристт шабра аймакнень эзда».
Проектть инвестороц Виктор Бирюков арьси строямс тоса нинге гостиница и санаторий, анокламс сафари-парк, калонь кунцемань васта, алашань клуб.