И. М. Яушев лемсэ Оперань ды балетэнь театрасо панжовсь невтема артисттнэде, конат ульнесть фронтсо
Опубликовано Вайгель - 06.02.2025
«Память сердца» лем ало невтемась панжовсь даволковонь 3-це чистэ. Сон алтазь Ине войнань пингстэ театрань историянтень ды артисттнэнь, конат тюрсть тиринь масторонть олячинзэ кис, ледстнемантень.
Войнань иетнестэ театрась весе важодеманзо ветясь войнань шкань лувсо. Концертэнь бригадатнень выступленияст предприятиятнесэ, колхозтнесэ тейсть кадсть аёвтавикс путовкс Изнямонь фондонтень. Фронтсо артисттнэ невтсть путомат, макссть концертт. Ульнесть артисттнэнь ютксо сетькак, кить мольсть ятонть каршо ды казезельть орденсэ ды медальсэ.
Фото: Министерство культуры, национальной политики и архивного дела РМ
