Мордовиясо «Образование» нацпроектэнть топавтоманзо перть теезельть ды одкстомтозельть зярыя тонавтнемань таркат
Опубликовано Вайгель - 05.02.2025
Истя, республикасо тейсть 4 од школат ды келейгавтызь тонавтнемань тарканть эштё кавтосо, косо теезельть од корпуст.
2019-це иестэ панжовсь од школа Краснослободскойсэ. Те неень шкань од школа, конась кельгсти 450 эйкакшт. Уроктнень ютавтомаст туртов класстнэде башка тосо улить нупальть-мастерскойть пидеманть туртов ды чувто, кшни, коцт марто важодеманть туртов.
2020-це иестэ школа панжовсь Торбеевань Дракинасо. Сон кельгсти 140 тонавтницят. Школанть покшолмазо 5 тежат кв. метрат. Тосо ули школань музей.
2021-це иестэ эште вейке школа панжовсь Лямбирень Аксёновасо. Сон ловозь 165 эйкакш лангс. Ушосо вакссонзо теезель физкультурань панжадо кужо.
2023-це иестэ эйкакшт примась «Высота» образованиянь куншкакурось. Сон кармась Саранскойсэ сехте покш школатнень ютксо вейкекс. Кельгсти 1450 тонавтницят.
Мелят теезельть од корпуст Белозерьевской школасо ды Саранскоень 11-це школасонть.
Теде башка, нацпроектэнть лувсо коррекционной 5 школатнесэ одкстомтозель специализированной материально-технической базась: кавтотнесэ Саранскойсэ ды истяжо Инсарсэ, Краснослободскойсэ, Поводимовасо школатнесэ-интернатнесэ.
Компьютерэнь оборудования ды программань обеспечения 6 иетнень перть получасть 169 общеобразовательной ды 16 профессиональной тонавтнемань организацият. 48-несэ одстомтозь материально-технической базась физкультуранть ды спортонь занятиятнень туртов.
Тонавтнемань организациятнень одкстомтомась Мордовиясо поладови седе товгак. Ансяк ней сон карми топавтовомо «Семья» ды «Молодежь и дети» нацпроекттнэнь лувсо.
