Евгений Швецов Мордовиясто кармась изницякс масторлангонь пелькстамосо

Неть читнень Мароккосо, Марракеш ошсо, ютась паралимпийской шожда атлетикань коряс  масторлангонь гран-принь эскельксэсь. Неть пелькстамотнень коряс кочказельть сеть спортсментнэ, конат невтсызь пряст масторлангонь чемпионатсо, кона юты Япониянь Кобасо панжиковонь 17-це чистэнть саезь 25-це чинть самс.

Гран-принь эскелькссэ онкстызь виест 66 масторсто 400 спортсмендэ ламо. Мордовиясто пелькстыцясь Евгений Швецов сайсь сырне 400 метрат кувалмосо дистанциянть ютамодо мейле, Т36 классо. Сон чиизе те кувалмонть 56,31 секундас. Омбоце ды колмоце таркасо Мароккосто ды Малайзиясто спортментнэ.