«Этнический калейдоскоп Поволжья» — истямо лемсэ туристической маршрут панжови маласо шкастонть.
Опубликовано Вайгель - 25.05.2022
Сон сюлмасынзе эсь ютковаст колмо регионтнэнь- Мордовиянть, Чувашиянть ды Марий Элэнть. Мордовиянь Туристико-информационной куншкакурось яволявты: маршрутонь ютыцятне содавить неень шкань фольклоронть, пертьпельксэнть ды раськень койтнень-кирдатнень марто. Путешествиясь карми поладовомо колмо чить. Те шканть перть туристнэ несызь Саранскоенть, ардыть Чувашия Республикань Кшауши велев, Чебоксаров, Марий Эл Республикань Козьмодемьянскоев, Йошкар-Олав ды Чувашия Республикань Шемурша велев. Те теварсевксэнть невтемась ютась те иень «Туриада» спортивно-туристической лагерьсэ. Тешкстан, пелькстамотнесэ Мордовиясто командась саизе васенце тарканть, конанть кисэ максовсь грантонь лезкс — нилесядт тёжат целковойть. Неть ярмактне туить Рав чирень федеральной округонь эрьва региононь блогерэтнэнь медиа-туронь теемантень.
