П. Н. Тултаев максь питне «Вайгель» радиопрограммань важодемантень!
Опубликовано Вайгель - 30.05.2022
«Вайгель» радионь редакцияс сакшнось Пётр Николаевич Тултаев, Российской Федерациянь сенаторось, АФУН-нь прявтось. Кортамось мольсь эрзянь ды мокшонь келенть ванстомадо, культуранть кемекстамодо. Истяжо сеть од лувтнеде, конат неень шкане лездыть кепетемс минек коронок, виенек. «Эряви важодемс неень шкань вешематнень коряс, — тешкстась сенаторось, — нама, ванстома сень, мезесь минек ули, мезесь миненек питней, ансяк эрявить вешнемс од формат, од лувт, конатне седе малавикст од ломантненень. Одось — те минек сыця шканок. Секскак эрязо минек раськесь ванды, эряви мелявтомс тенде течи». Истяжо Пётр Николаевич видькстась, неень шкане сонзэ койсэ «Вайгелесь» гайги сехте виевстэ, неень шкань вешематнень коряс. Сюкпря, Пётр Николаевич, покш питненть кисэ!
