Эрьзянь музейса панжеви од выставка

13-це октябрьста Эрьзянь лемса музейть Выставочнай залсонза панжеви выставка, лемоц «Валентин Попков. Долгий свет души». Сон лемтьф РСФСР-нь заслуженнай художникть, МАССР-нь народнай художникть Валентин Алексеевич Попковть шачема шистонза 80 кизонь топодеманцты.
Экспозицияса няфтевихть живописень и графикань 120 произведения, конат кочкафт музеень и авторскяй коллекциятнень эзда.
Лятфтасаськ, Валентин Попков — тематическяй картинань, пейзажень, интерьеронь, натюрмормортонь мастяр. Сонь произведениянза ванфтовихть тяниень пингонь искусствань Москунь музейса, А.Н.Радищевонь лемса Саратовань музейса и россиянь лия музейхнень эса.
Выставкась панжеви 13-це октябрьста Выставочнай залса, адрессь — Советская, 29.