Мордовиясо юты «Тёплые окна» акциясь

Сонзэ лувсо максови лезкс сыре ломантнень туртов. Васенцекс теварсевксэнть ушодызь Чаунза ёнксонь волонтёртнэ. Сынь лездасть 87 иесэ трудонь ветеранонтень. Од ломантне ванскавтызь-урядызь сыре ломаненть кудонзо, шлизь-нардызь вальматнень ды ёртызь шукшпрянть. Ёвтазь теварсевксэсь кармавтозь лездамс сыре ломантненень, ветерантнэнень ды сетненень, кинь лавшо шумбрачист. Эрьва ие волонтёрнтнэ сакшныть лездамо анокстамс эрямо таркаст телентень. Истямо ладсо, кавто пингень ломантнень ютксо кирдевить кеме сюлмот.