Эрзя-мокшонь раськень культурань музейс сась од оборудования

Эрзя-мокшонь раськень культурань музейс сась од оборудования. Тевесь юты «Культура» нацпроектэнь «Культурная среда» региононь проектэнть лувсо.

Неень шкань технологиятне лездыть музеень важодицятненень топавтомс мельстуиця проектт, пурнамс од невтемат ды тейсызь экспозициятнень ваномаст седе вадрякс. Те лезды ламолгавтомс музейс сыцятнень.

Оборудованиянь кувалма важодематне те шкане молить. Те шкане полавтозть свалшкань экспозициятнень алов подиумтне, витневи коштонь температуранть мельга ваномань системась.

Истяжо музейс сась эрьва кодамо техника: ноутбукт, телевизорт ды лият. Ней тосо улить живописень ды графикань коряс мастер-класстнэнь туртов мольбертт.

Малавгалиця шкастонть невтемань нупальтнесэ путыть валдомтомка марто витринат, экспонированиянь туртов мобильной системат.

Теде башка, музейсэ появи мультимедийной оборудования. Сонзэ лезксэнзэ вельде кармить невтеме роликть, графика ды таблицат. Невтематнень экспонаттнэде башка, музейсэ карми улеме электронной пусмо, конась содавтсамизь эрзя-мокшотнень историяст, коест ды раськень оршамопеелст марто.

Прядомс од оборудованиянь путомга тевтнень арсеви те иень таштамковонть самс.