Дубёнкань буесэ прядызь од кинть тееманзо

Тевесь топавтозель Красино веленть маласо. Кись теезель «Безопасные качественные дороги» нацпроектэнть лезксэнзэ вельде.

Малав ниле вайгельбеть кувалмосо кинть лангсо путозельть асфальтобетононь кавто слойть, барьерэнь пирявкст, сигналонь столбат ды кинь тешкст, артозель кинь разметка. Якицятнень туртов тейсть якамонь од тарка, ветясть валдо ды путсть лоткамо таркат.

Ледстясынек, ламо иетнень перть кись эзь маштовт ардоманть туртов. Эзь лезда латконь витнемаськак. Секскак кинть тееманзо кувать учость Дубенкань эрицятне.