«Девчата» ансамблясь тешкстасы 25 иень топодеманть од программасо.

Сундерьковонь 3-це чистэ, 19 чассто, республикань культурань кудонь сценанть лангсо невтеви «Сохраним любовь!» од концертной программась. Ней коллективсэнть морыть Лилия Фомина, Анна Бегаева, Светлана Годунова ды Екатерина Адрахманова. Прявтсонзо- Мордовиянь заслуженной артисткась- Марина Чебакова. «Девчата» ансамлясь — Мордовиянь прявтонть премиянь лауреатт, Мордовиянь государственной премиянь лауреатт. Сонзэ содасызь ды вечксызь аволь ансяк минек регионсо, васело сонзэ томбалеяк. Юбилеентень анокстазь кода учок вечкевезь, истя и од моротне, кармить дуэтт. Теде башка, концертсэнть кармить морамо филармониянь артистнэ- Вячеслав Зобков, Александр Сергеев, Андрей Бочканов, гитаристэсь Александр Авдонин. Кенярдовтсызь ваныцятнень и киштемань театрась «Art-Vision» ды раськень киштемань ансамблясь- «Лейне». Билеттнэ микшневить онлайн ды РДК-нь кассатнесэ.