Атюрьевасо ютась «Ванстсынек виренть» весероссиянь акциясь

Таштамковонь 28-це чистэ Атюрьевань буесэ Виндреень лесничествань территориясо «Ванстсынек виренть» весероссиянь акциянь 5-це сезононть лувсо озавтсть видстьстэ ансяк лисезь 8 тежат чувтынеть.

Мероприятиясь тагояк вейсэндинзе власьтень органтнэнь, общественниктнень, школань лесничествань тонавтницятнень ды студенттнэнь. Васенцеде акциясонть невтизь пряст эйдень кужотнень трявкстнэ.

Весень туртов анокстазельть концертэнь программа, мокшонь пачат, пси чай пряка марто, живописень ды декоративно-прикладной искусствань невтемат, чувтонь теемкань артомга мастер-класс.

Мордовиясо акциянть лувсо, арсематнень коряс, озавтыть 20 тежат чувтот.

Акциянть лувсо весемезэ арсеви озавтомс 70 млн-до ламо чувтот Россиянь весе регионтнесэ. Те лезды бороцямс вирьсэ пожартнэнь марто ды ванстомс вирень ресурстнэнь.

Фотографиясь: Мордовия Республикань Прявтонть пресс-службань