Атерень аймакса ётась «Учитель года» пялькстомать районнай этапоц!
Опубликовано Вайгель - 24.03.2022
Сонь эсонза примасть участия 4 учительхть. Пялькстомась мольсь кафта шит. 16 мартста тонафтыхне азондсть эсь колгаст медиа-визиткасост, сяда тов методическяй местерскойсост няфтезь сянь, мезе синь тиендихть, мезть лангса покодихть. 17 мартста няфтсть рузонь и мокшень кяльса урокт и мастер-класст. Тяфта, пялькстомать эса сяськикс лиссь Нина Егоровна Канинась Атерень омбоце школань рузонь кялень тонафтысь. Лядыхне — призёрхт. Сембе учительхне ульсть казьфт аф аньцек дипломса, но и питни казнеса.
