15 майста Пензаса ётась «Шумбрат» Мокшэрзянь национально-фольклорнай илась!

Сонь аноклазе Пенза ошень Мордовскяй (эрзянь-мокшень) автономиясь. Лац кочкаф вастсь — Пензати сувси Спутник ошса Сурскяй водохранилищась. Сцена лангса выступандасть Мордовиянь инь цебярь коллектифне и морайхне: «Умарина» моронь и кштимань ансамбльсь, «Мерема» этнографическяй фольклорнай студиясь, В.И.Ромашкинонь лемса «Торама» фольклорнай ансамбльсь, Артём Мамаев, а стане же VARMA этно-арт-театрась. Ваныхне няезь и Пензенскяй областень мокшэрзянь коллектифнень: «Лучинушка», «Умарина», «Ялгат» и лия ансамбльхнень.
Илать ушедозь штатолонь крьвястемста, а тяфта же оцю кругста, кона марстоптозень сембе мокшетнень, эрзятнень и лия национальностень ломаттнень. Концертть мархта марса фонтаннай площадьса мольсь интерактивнай программа. Илать видеса панжадоль полевой кухня, коса сембе, кинь мялецоль, питнефтома сявондсь ярхцамбяль.