11 медальть сайсть Мордовиянь спортсментнэ ПФО-нь чемпионатсо!
Опубликовано Вайгель - 11.05.2026
11 медальть усксть эрзянь ды мокшонь спортсментнэ стака атлетикань коряс ПФО-нь чемпионатсто ды первенствасто, конась ютась Дзержинск ошсо. Кода пачтясть МР-нь олимпийской резервень комплексной спортивной школасто, эсест сталмонь категориятнесэ изнясть: Алексей Хабаров, Виктория Ершкова ды Евгения Зелина. Сиянь казнеть сайсть: Игорь Толкодубов, Валерий Адмайкин, Дмитрий Арюков, Егор Белов ды Анастасия Шмидт. Бронзась Савелий Рыбкинэнь, Дмитрий Смельскоень ды Николай Кожаевень ловомасо. Командань зачетсонть региононь од ломанень сборноесь сайсь васенце тарка, цёрань – омбоце.
