Мордовиянь нацтеатрань «Побег из ада» путомась арды Йошкар-Олав
Опубликовано Вайгель - 08.05.2024
Тосо панжиковонь 24-це чистэнть саезь ды 31-це чис карми ютамо «Майатул» финнэнь-угрань театратнень раськеютконь XV-це фестивалесь.
Форумось эрсекшни весть кавто иес Марий-Элсэ. Мордовиянь нацтеатрась тосо – свалшкань прянь невтиця. Эряви меремс, фестивалесь эрсесь Саранскойсэяк. Тевесь ульнесь 2012-це иестэ.
А вана сехте васенце фестивалень гран-принь саицякс кармась эрзя-мокшонь драматургонть Александр Пудинэнь пьесанзо коряс Маринь нацтеатрань «Пычаж» («Очаг») путомась.
Тедеде Мордовиянь теарась усксы Йошкар-Олав Советской Союзонь Геройденть, содавикс летчикденть, Торбеевань буень чачицядонть Михаил Девятаевде «Побег из ада» мокшонь драматургонть Валентина Мишанинань пьесанзо коряс путоманть.
Весемезэ фестивальсэ карми невтезь 11 спектакля.
