Те кизоть Саранскяйса кармай ётама «Крымскяй тундать» 10-це юбилейнай годовщинац
Опубликовано Вайгель - 04.03.2024
Тя кизоть тяштькстави 10-це годовщинась Россияти Крымть сувафтоманц колга. Сон арась инь питни событиякс старнаньконь тяниень пингонь исторясонза. Эрь кизоня тя праздниксь ётафневи 18 -це мартста. 2024 -це кизоня кармай ётама Крымскяй тундать 10-це юбилейнай годовщинац. Тянь коряс И. Д. Воронинонь лемса краеведческяй музейса анокласть тематическяй мероприятият: тят патриотическяй лекцият, выставкатнень колга экскурсият, мужествань урокт и лият. Сембе афишать мархта ули кода содафтомс музейть сайтсонза. Штоба повомс тя или тона мероприятияти, аноконди эряви тяштьфтомс пря. Сембе кизефкснень лангс ули кода мумс каршек вал телефон коряс 39-14-96, 39-14-97. Тевс нолдави «Пушкинскяй картась».
