Саранскойсэ таго юты «Ёндолня» фестивалесь

Киштемань искусствань фестивалесь-пелькстамось тедеде юты од статусонть ало: бути икеле сон ульнесь ошонь, ней карми регионъютконь.

Невтемс пря пелькстамосонть мереви 7 иестэ саезь эйкакштнэнень ды 35 иес од ломантненень, ловозь колазь шумбрачи мартонцетненьгак, конат тонавтнить ды важодить Мордовиянь ды Равчирень федеральной ёнксонь лия регионтнэнь хореографиянь школатнесэ, шкинемань вейсэндявкстнесэ, студиятнесэ, искусствань школатнесэ.

Эсь ёрокчинть мереви невтемс 7 номинациява: неень шкань киштема, эстрадань киштема, раськень киштема, неень шканть коряс раськень киштема, эрзя-мокшонь киштема, соло ды вишка ансамблят, инклюзивной номинация.
Яволявкстнэнь ды номертнэнь марто видеотне кучома пелькстамонь теицятненень эйзюрковонь 17-це чинть самс. Киштемань фестивалень гала-концертэсь юты чадыковонь 13-це чистэ Саранскоень Культурань дворецсэ. Ушодксось 12.00 ч.

«Ёндолня» киштемань искусствань регионъютконь фествиалесь-пелькстамось кирдезель Культурань инициативань Президентэнь фондсо. Пелькстамонь теицятне: «Единство» культурань инициативань кушкакурось, Саранскоень Культурань дворецэсь.