Мордовиясто кадеттнэ невтизь пряст Ледстнемань Парадсо

Тевесь ютась Самарасо Куйбышевень лемсэ площадьсэ. Ледстнемань Парадось алтазель Якстере площадьсэ 1941-це иень парадонтень, кона ютась тосо сундерьковонь 7-це чистэ. Ине Войнань шкатнестэ Куйбышевась ульнесь Советской Союзонь запасной прявт ошокс.

Тедеде Парадось алтазель «Герои и подвиги» темантень. Эйсэнзэ невтизь пряст 100-до ламо расчетт – 7 тежат ломанть. Ютксост – юнармеецт, кадетт, войнань-патриотонь вейсэндявкстнэс совицят, Россиянь регионтнестэ делегат.

Кода пачти Мордовия Республикань пресс-службась, Парадсо минек республиканть 6-цеде невтить 26-це лицеень кадеттнэ. Сынь лиссть изницякс строевой подготовкань коряс республикань пелькстамосо. 53 ломанть Парадонь расчетсо ютасть площадьга «Прощание славянки» музыканть гайгеманзо ало.

Фотось: Мордовия Республикасо пресс-службанть