С. Д. Эрьзянь лемсэ музейсэ панжовсь «Белорусское современное искусство графики» невтемась

Беларусь Республикань Художествань национальной музеесь усксь Саранскоев 60 произведеният, конат теезть эрьва кодамо материал лангсо, эрьва кодамо техникасо ды жанрасо. Литографият, акварельть, ксилографият, линогравюрат – комопозициятнень теизь Белоруссиясо содавикс ероковтне ды истяжо Искусствань школань прядыцятне.

Проектэсь келейгавты содамочитнень графикань искусствасо, лезды шкинемань од ломантненень.

Невтемась карми роботамо Саранскойсэ ацамковонь 10-це чинть самс.