Саранскоесь ды Китаень Чжэньцзянось арсить кемекстамс эсь юткова ояксчинь сюлмавкст
Опубликовано Вайгель - 07.11.2023
Сундерьковонь 7-це чистэ КНР-сэ Артём Здуновонь марто прявтсо Мордовиянь делегациясь вастовсь Чжэньцзян ошонь Горкомонь секретаренть Ма Минлунонь марто.
Мордовиянь прявтось тешкстызе – делегациясь ардсь Китаев Россиянь ды КНРнь лидертнэнь арсемаст лувсо, конат примазельть мастортнэнь прявттнэнь аволь умок вастовомасонть, минек мастортнэнь ютксо весе енкстнэнь коряс вейсэнь тевдеемань келейгавтомадо.
«Минь карматано нежедеме экономиканть, спортонть, культуранть ды образованиянть лангс», – мерсь Артём Здунов.
Республикань Прявтось истяжо тешкстызе – вейсэнь тевдеемась те шкантень парсте ветяви Н. П. Огаревонь лемсэ МГУ-нть ды Наукань ды технологиятнень коряс Цзянсуской университетэнть ютксо.
Теде башка, вастовомасонть кортамось мольсь регионтнэнь ютксо тевтнень вейсэ ветямодонть ды Саранскоенть ды Чжэньцзянонть ютксо ояксчинь сюлмавксонь кемекстамодо.
