Республикасонк панжеви «Винсент Ван Гог. Движущиеся полотна» выставка

10-це июньста сявомок 16-це июльти молемс Эрьзя лемса Мордовиянь музейть выставочнай залсонза Саранск ошень эряйхненди и инжихненди ули кода ваномс «Винсент Ван Гог. Движущиеся полотна» мультимедийнай проектть. Выставкать ваныензон учи лама лувкссонь анимацият. Синь вельде проектть полотнасонза лийксайхть нармоттне, пяярихть панчфонь лопатне, уихть туцятне и шарыхть Ван Гогонь содаф меленцянза. Выставкань ваномста налхки классическяй и опернай музыка. А дикторть вайгелец вяти ломаттнень эса хужожникть биографиянц пачк.
Эрь программась ушедови од частста. Но васенда инжихненди ули кода кулхцондомс выставкать вятиенц валонц.