Лямбирь буень Покш Елховка велесэ витнить школанть

Сонзэ витнемазо ушодовсь 2022-це иень сундерьковсто. Тевесь юты «Образование» национальной проектэнть коряс. Витемань тевтнень  туртов явозель малав 89 млн. цел., сисемеде ламотне конатнестэ туить оборудованиянь, ваномань пособиянь, мебелень рамамонтень.   Полавтсызь весементь: инженерной коммуникациятнень эйстэ саезь латонть видьс. Педе пес полавтсызь кото кабинеттнэнь: физикань, химиянь, биологиянь, литературань, цифровой математикань ды историянь.

«Теде икеле школась вестькак арасель витнезь», – мерсь сонзэ прявтозо Александр Афроськин.

Ней сон одкстоми. Таштамковсто тонавтницятне, а эйстэдест велесэ 435 эйкакшт, совить одкстомтозь школас.