Саранскойсэ ютасть кельме ведьсэ уйницятнень ютксо панжадо пелькстамот
Опубликовано Вайгель - 28.02.2023
Саранскойсэ ютасть кельме ведьсэ уйницятнень ютксо панжадо пелькстамот. Турнирэсь ютась «Старт» стадиононь селтсо. Эйсэнзэ онкстызь виест Мордовиянь, Обран ды Пензань енксонь уйницятне. Ютксост ульнесть сеть, кить уйнить кельме ведьсэ а умок ды сеть, кить умок сюлмизь эрямост те тевенть марто. Сехте сырентень ютксост а умок топодсь 76 иеть.
Цёратненень эрявсь уемс ведень дистанция 25 метрат кувалмосо, аватненень — 12,5 метрат. Изницятненень ды казнень саицятненень макссть медальть, шнамонь коневт ды казнеть.
Эряви меремс, пелькстамотне Саранскойсэ эрсекшнить эрьва иестэ. Тедеде сынь ютасть 23-цеде, «Заплывы состоятся при любой погоде!» девизэнть ало.
Фотографиясь: ГУ МЧС России по Республике Мордовия
