Мордовиянь прявтось вастневсь эрицятнень марто
Опубликовано Вайгель - 18.08.2022
Неть читнестэ Артём Здунов Республикань Кудосонть вастневсь эрицятнень марто. Ванновсть Саранскойстэ ды республикань районтнэстэ сисем ломантнень пшкадемаст. Ельники велень эрицясь Александра Горшенина сась вастовомантень кевкстема марто, конась а витеви уш пек куватьс. Эрьва кизэстэнть Мирэнь ды Коммунистической куротнесэ эрицятне кирдить стакачить ведень а сатоманть кувалма. Зярыя пшкадематне токшесть кудотнень перька таркатнень вадрялгавтоманть-мазылгавтоманть коряс. Саранскойсэ Полежаевень куросо 74 № кудонь эрицятнень лия стакачист: арась эйкакшонь площадка. Те кевкстеманть Мордовиянь Прявтось истя жо саизе ванновт алов – эйкакшонь площадканть арсеви теемс сы иестэ. Эште вейке пшти кевкстемась – те китнень витнемась. Истят пшкадематнеде ульнесть ламо. Кода толковизе МР-нь Транспортонь ды китнень хозяйствань коряс госкомитетэнь председателесь Валерий Кандрин, кевкстематне кармить витезь. Мордовиянь Прявтось вешсь Минстроенть пельде эряза важодема эште вейке объектэнть коряс – Ромодановасо од микрорайонсонть кинь строямонть коряс. Те кевкстеманть марто Мордовиянь Прявтонтень сась вастовомантень Ромодановань эрицясь Ольга Миняева. Артём Здуновонь кармавтоманзо коряс кинть строямось ушодови 2023-це иестэ. Весе кевкстематне, Республикань Прявтонть валонзо коряс, кармить топавтозь.
