Саранскойсэ ютавтови «Од профессионалт» Х Национальной чемпионатонь Финалось!

Эйсэнзэ кармить пелькстамо профессиональной тонавтнемань учреждениянь тонавтницятне ды 16 иеде седе од эйкакштнэ. Ютыть пелькстамотне таштамковонь 8-12-це  читнестэ «Саранск-Арена» спортонь комплекссэнть, дистанционно-очной лувсо. Мордовиянь прявт ошонтень пурнавить 300 ламо од профессионалт, конат невтьсызь  ероковчист пелькстамонь комсьветее компетенциятнень лувсо. Сынст важодематненень питне максыть 200 спортонь ванныцят. Малав 700  пелькстыцят вейсэндявить пелькстамотнес ве ендо. Сынь топавтсызь кармавтоматнень эсест организациятнесэ видеофиксациянть коряс. Компетенциятне ладить профессиянь  сисем енкстнэнень: строительствась ды строямонь технологиятне; производствась ды инженерэнь технологиятне; транспортось ды логистикась; информационной ды коммуникационной технологиятне; шкинемась ды дизайнась;; услугатнень сферась; тонавтомась. Евразийской чемпионатонь весе участниктненень максовить скиллс-паспортт.