Кремляса ётась Россиянь Президентть Владимир Путинонь и Мордовиянь Оцюнять Артём Здуновонь васедемасн

5 июльста ётась Россиянь Президентть Владимир Путинонь и Мордовиянь Оцюнять Артём Здуновонь рабочай васедемасна. Региононь руководительсь пачфтсь Президентти республикаса социально-экономическяй обстановкать колга. Владимир Путин, васедемать панжемста, азозе: «Целайнек тиньцонт ситуациясь мялень пяшкоди, стабильнай: ВВП-сь касфневи, промышленнай производствась, велень хозяйствань производствась касфневихть, стройкась. Виде, кой-мзярошкада кирсь основной капиталти инвестициятнень объёмсна».
Мордовиянь Оцюнясь пачфтезе, кода полафтсь коронавирусть мархта ситуациясь, импортозамещениясь, зарплататне, шумонь пандомась.
«Минь стане жа ульсть оцю шумоньке дорожнай фондть коряс, но минь сонь касфтоськ 60 процентта меля, 40 процентта – тядде. Петьфт 190 вайгяльбень кувалмоса кит меля, тядде кармай 320», — пачфтезе меколи Артём Здунов.