Инсарсо кочкасызь сехте мазый Ловняськенть!

Инсаронь культурань кудось яволявтсь эрьва иень пелькстамодо. «2022-це иень сехте мазый Ловняське»- истя сон лемдязь. Эйзэнзэ тердевить 15- 17 иесэ тейтерькатне. Тедеде сыненст эряви невтемс эсь пряст ниле пелькстамосо. Васняяк, ёвтнемс эсь прядонть, невтемс эсь содамочитнень «Ёвксонь кедьёнкст» пелькстамосонть, варчамс эсь вийтнень шкинемасо ды ёвтамс лембе валт, поздоровт Ловняськенть пельде пурнавозетнень туртов. Неень шкантень пелькстамонтень яволявтомат кучсть ниле мазыйкат. Весе сынь кармасть анокстамо максозь тевтнень коряс. Мезесь кецявты, тедеде пелькстамось юты санитарно- эпидемиологической вешематнень топавтозь. Инсаронь «Сехте мазый Ловняське» пелькстамось ютавтови ацамковонь 24-це чистэ. Эряви тешкстамс, пелькстамось пек тукшны мельс Инсаронь эрицятненень. Эйсэнзэ яволявтомат кучить аволь ансяк тосонь эрицятне, мик шабра велетнесэ эрицятнеяк. Пелькстыцятнень ёрокчинтень питне путы аволь ансяк жюрись, весе ваныцятнеяк, конатненень мереви максомс вайгелест вечкевикс Ловняськенть кисэ.