Саранскяйнь вертолётсь пачфтсь Саранскяи 4 сярядихть

Ваймама шиста саранскяйнь вертолётсь нилексть лийкснесь Мордовиянь аймакненди и пачфтсь Саранскяи 4 пациент.

Ёткшиста самолётсь тусь Зубунь аймаку сярядить инкса, конанди эрявсь путомс кардиостимулятор.

Омбоцеда лийкстась Ковылкинав гирургиянь патология мархта сярядить инкса. Саранскяйса теенза эстокиге тисть операция, и тяни сондеенза ламода сяда цебярь. Реанимацияста ётафтозь марстонь отделенияв.

А недляшиста Республиканскяй больницяв тага гайфтсть Зубуста. И шобдава менельга пачкотькшни скорай помощьсь тусь ни сярядинкса, конась ульсь прединфарктнай состоянияса. Аф ламода ваймезь, вертолётсь тусь Краснослободскяи.