Мордовияв усксть «Спутник Лайт» вакцинань 8 тёжат дозат

Эряви тешкстамс, республикав сыть аволь ансяк «Спутник V» вакцинань покш партият. Саемга, неть читнень усксть «Спутник Лайт» вакцинань 8000 дозат. Тенде мерсь Мордовия республикасо Минздравонь аволь штатной прявт врачось-эпидимиологось Михаил Чумаков. Сонзэ валонзо коряс, неень шкасто Мордовиясо вакцинат зярыя: «Спутник V» — 25 тежат дозат, «Спутник Лайт» — 13 тежат, «ЭпиВакКорона» — 380, «КовиВак» — 80. Течинень коронавирусто прививкакт путсть 263 тежат ломанть. Эйстэст 218 тежатне – кавксть.

Минздравонь содыйтне тешкстыть, «Спутник Лайт» вакцинась путови весть сеть ломантненень, конат сэредсть коронавируссо, а прививкаст те шкас арасельть.