Мордовиянь заповедниксэ бороцить толонть марто

П. Г. Смидовичень лемсэ Мордовиянь заповедниксэ толось нейгак палы. Кода мерсть Мордовия Республикасо МЧС-нь прявт управлениясо, таркасо роботыть 891 ломань ды техникань 218 единицат. 24 частнэнь перть толонь мадстеме ливтезельть «Ил-76» кавто самолетт, «Бе-200ЧС» самолет, Россиянь МЧС-нь кавто вертолетт, пожарной кавто поездт. Толонь палома таркатненень валозель 250 тоннат ведь.

Весемеде башка, тосо роботыть Марий Эл республикань, Пензань ды Ульяновскоень енкстнэнь Россиянь МЧС-нь прявт управлениятнень важодицтяне. Чинь чоп роботы Мордовия республикасо Россиянь МЧС-нь прявт управлениянь оперативной штабось.

Ледстясынек, виресь кирвазсь умарьковонь 3-це чистэ. Меельце даннойтень коряс,  умарьковонь 9-це чинь валскентень, толось ютась вирень малав 4300 гектарга.

Те шкантень маласо аштиця велетнень эйстэ толось васоло.