Июльста Мордовиянь эряйхне эрь шиня макссесть мошенникненди 375 тёжянь цалковаень

Республикань МВД-ть даннаензон коряс июль ковста мошенникненди васькафтовсь 87 ломанць. Марса синь кучсть афпарморхненди 11 миллион 634 тёжятть 837 цалковай. Шити ломатть юмафнесть 375 тёжянтть малава. Кода содавсь, сисем миллионть нельгозь сятне, кие азсть пря банкань покодиекс. Синь гайфнесть ломаттненди и мярьгондсть, кле, лемстонтт кие -бди срхкай сявомс кредит. И кда тинь аф тихтяда кода минь мярьктяма, ляттада ярмакфтома. Ломатть кемасть васькафнихненди и синць, эсь кядьсост, кучсезь теест аф аньцек уликсснон, но и сявондсть кредиттка. 830 тёжянь цалковайсь васькафтфоль азорснон кядьста интернетса кодамовок паршиень рамамста или мимста. Нинге колмошка миллионць юмафтфоль сятнень мархта, кие тяряфтсь козякодомс биржаса или онлайн-покодема вастонь вешендемста.

Фото: fraufluger.ru