Саранскяйса шабатне кармайхть питнефтома тонафнема репетитор мархта

Саранскяйса иттне аф полнай и лама шаба мархта семьяста кармайхть питнефтома тонафнема репетитор мархта. Проектть лемоц «Домашний репетитор», аноклазе сонь «МНОГОДЕТИ» общественнай организациясь. Проектсь сяськсь Президентскяй грантонь Фондонь пялькстомаса и получась 1, 5 млн. цалковай. Иттне лафча шумбраши мархта, а тяфта же лама шаба мархта и аф полнай семьяста кармайхть питнефтома тонафнема педагог-репетитор мархта и студент-волонтёр мархта. Занятиятне кармайхть молема индивидуально или аф оцю юромга — 3-4 ломанень.
«МНОГОДЕТИ» организацияса азозь, што проектть вельде петьсазь лафча васттнень башка предметтнень коряс тонафнемаса.