Мордовиясь-социальной газификациянь Президентэнь проектэнь топавтомасо васенцетнень ютксо.

Мордовиясь-социальной газификациянь Президентэнь проектэнь топавтомасо васенцетнень ютксо. Республикань rудосонть ютавтовсь газоснабжениянь ды газификациянь кевкстематнень коряс промкс. Эйсэнзэ ульнесть Мордовиянь Прявтось Артём Здунов, истя жо «Газпром», «Газпром межрегионгаз», «Газпром межрегионгаз Саранск» ды «Газпром газораспределение Саранск» компаниятнень руководствась. Промксонь прявт кевкстемакс кармасть 2021-2025 иетнестэ газификациянь программань топавтомань цётамотне ды маласо  вете иетнес прявт тевтне. Мордовиясь ды «Газпромось» комсь иеде ламо иеть топавтыть газификациянь программанть. Ней региононь газификациянь уровнясь кармась 90% седе ламо. Весемезэ республикасонть газ ветязь малав тёжа велетнес. Социальной газификациянь Президентэнь проектэнть лувсо Мордовиясь полады кирдеме васенце таркатнень. Неень шкане республикань эрицятнень пельде саезь малав 7 800 яволявтомат. Те важодемась карми поладозь», — ёвтнесь Артём Здунов. Мордовиянь прявтось истя жо тешкстызе, республиканть ули мелезэ седе тов виевгавтомс вейсэнь важодеманть ды анок ёвтамс «Газпромонтень» од продукция ды инновациянь разработкат компаниянть вешеманзо коряс.