Саранскойсэ юты покш экстрим фестиваль.
Опубликовано Вайгель - 21.08.2026
Саранскойсэ юты покш экстрим фестиваль. Эряза оймсемань ды покш трюконь вечкицятнень учить кавто сюпав чить. Программасонть-мастер класст ды пелькстамот Казаньстэ ды «УРАМ» парксто райдертнэнь пельде. Кода пачти региононь Минспортось, умарьковонь 22-це чистэ Юго-западсо скейт парконь площадкасонть ютавтовить тонавтомань занятият весень туртов. 16 чассто саезь 17 часос юты самокатсо трюконь ардомань коряс мастер класс, 17 чассто саезь 18 часос – скейтбордингень коряс, 18 чассто саезь 19 часос – BMX-нь коряс. Умарьковонь 23-це чистэ прявт тевтне ютавтовить Советской площадьсэнть. Пелькстыцятненень питне кармить максомо ёроков судьятне — «УРАМ» парконь тештетне: Артём Кузнецов, Анатолий Кириенко ды Евгений Пескишев.
