Сиянь медаль сайсть Мордовиянь СВО-нь ветерантнэ.

Мордовиясто СВО-нь ветерантнэнь сборноесь сайсь «сия» адаптивной футболонь коряс весероссиянь пелькстамотнесэ. «Стальная воля» кубкань налксематне ютасть Нижней Тагилсэ. Эйсэст ульнесть стака ранявома марто геройть. Минек командась пурназь МР-ва «Защитники Отечества» Госфондонь филиалонть лезксэнзэ вельде. Тренировкатнень анокстызь МР-нь спортонь министерствась ды футболонь региононь Федерациясь. Мордовиянть пельде командасонть налксесть СВО-нь кото ветерант. Сынст каршо пелькстасть Екатеринбургонь ды Московонь «Локомотив» командась. Васенце тарканть кисэ бороцямосонть минек цёратне изнявсть ансяк Московонь ламоксть чемпионтнэнень.