Эрзя- мокшонь раськень культурань музейсэ панжови «Житийное» Татьяна Маркеловань невтемась.
Опубликовано Вайгель - 15.07.2026
Эрзя- мокшонь раськень культурань музейсэ панжови «Житийное» Татьяна Маркелова артыцянть персональной выставказо. Эйсэнзэ невтевить текстилень малав 50 паннот. Экспозициясь невти мастерэнть шкинемань касоманзо- языческой мотивтнестэ православной сюжеттнэс. Невтемась карми молеме медьковонь 14-це чистэ саезь умарьковонь 9-це чис. Татьяна Маркелова чачсь Ленинградсо. Прядызе Санкт-Петербургонь художественной училищань скульптурань отделениянть ды педагогической университетэнь художественной образованиянь институтонть. Татьяна Маркелова — Россиянь творческой роботникень вейсэндявксос совиця. Текстильной пластиксэ сон важоди 1990 иестэ саезь. Экспозициясь вейсэндязь кемемань темасо ды лезды ванномс авторонть шкинемань кинзэ. Васня авторонть важодевкстнэсэ седе ламольть языческой мотивтне. Шкань ютазь сон ютась православиянь сюжеттнэс. Артыцянть важодевксэнзэ аволь весть невтневсть вейсэнь ды персональной невтематнесэ Санкт-Петербургсо, Псковсо, Петрозаводскойсэ, Московсо ды Павловской Посадсо. Ней эйстэст зярыятне невтевить Саранскойсэ.
