Елена Помозова аравтозь региононь землячестватнень Московонь советэнь раськетнень ютксо кевкстематнень коряс комитетэнь прявтокс.

Мордовиясо чачозесь аравтозь региононь землячестватнень Московонь советэнь раськетнень ютксо кевкстематнень коряс комитетэнь прявтокс.

15 иеть Россиянь прявтошонь Правительстванть пингстэ важоди региононь землячестватнень Московонь координационной советэнь од ломанень комиссиясь. Сон вейсэнди масторонь эрьва кодамо республикань ды областень активной представительтнень, конат эрить, тонавтнить ды важодить Московсо. Ды, теде башка, сынь кирдить кеме сюлмот тиринь ёнксонть марто, пачтить койтнень-кирдатнень ды ванстыть эсь раськень мельтнень-ванновтнень, анокстыть ды топавтыть проектт, конат аравтозь Россиянь регионтнэнь культурань сюпавчист ванстомантень ды од ломантнень ютксо раськетнень марто кортамонть виевгавтомантень.

Региононь землячестватнень Московонь координационной советэнь од ломанень комиссиянь меельце промкссонть активисттнэ ёвтызь топавтозь важодемань цетавкстнэнь ды кортасть 2026 иень омбоце пельиентень важодемань аравтлувтнеде. Прявт ёнкстнэнь ютксо тешкстазь региононь землячестватнень од ломантнень секциятнень ютксо вейсэнь важодемань кемекстамось, Московонь раськетнень кудонть тевдеемантень од ломантнень мелень явомась, комиссиянь ушодкстнэнь информационной сопровождениянь келейгавтомась.

Чинь повесткань прявт кевкстематнестэ вейкекс кармась од ломанень комиссиянь составонть ды профилень комитеттнэнь руководительтнень кемекстамось.

Раськетнень ютксо кевкстематнень коряс комитетэнть уш аволь васенцеде кемевтезь ветямс минек землячкантень, Ковылкинской районсо чачозентень Елена Помозованень.

Сон аволь вейке ие важоди Московонь общественной организациятнень марто, морси музыкань программатнень марто эрьва кодамо публичной площадкатнесэ фольклоронь коллективенть юрсо, конась теезь Россиянь Федерациянь Президентэнть пингстэ Мордовиянь постпредстванть пингстэ. Вети свалшкань важодема национальной постпредстватнень марто, прими участия федеральной форумтнесэ. Сонзэ «Пою Мордовию» авторской проектэсь иеде икеле изнясь весероссиянь пелькстамосонть. А допрок неть читнестэ сон сёрмадызе «Деревня моя»од моронть.