Концертэнь цикла Степан Эрьзя лемс.

Мордовиянь театральной деятелень вейсэндявксонь региононь отделениясь ушоды топавтомо лия ёнов а молиця проект — концертэнь цикла Степан Эрьзянь чачома чистэнзэ 150 иетнень топодемантень. Проектэсь изнясь «Семья» национальной проектэнь «Семейные ценности и инфраструктура культуры» федеральной проектэнть лувсо Россиянь культурань фондонь грантонь пелькстамосонть. Проектэнь партнёрокс кармасть Мордовия Республикань артыцянь вейсэндявксось, С.Д. Эрьзя лемсэ Мордовиянь изобразительной искусствань музеесь, И. Яушев лемсэ Оперань ды балетэнь государственной театрась. Мероприятиятнень прявт пельксэсь ютавтови оперань ды балетэнь театранть юрсо. Умарьковсто саезь ожоковс ваныцятненень невтевить концертэнь кото программат, эрьвась эйстэст невтьсы Степан Эрьзянь эрямонзо ды шкинеманзо лия ёндо. Концерттнэсэ кармить морыцят Московсто, Санкт-Петербургсто, Нижней Новгородсто ды Россиянь лия оштнестэ. Ламот произведениятне, конат совасть программантень, чуросто моравить Россиянь сценатнень лангсо, мезесь теи проектэнть алкукс лия ёнов а молицякс.