Мордовиясо топавтови «Семья» нацпроектэсь.

Мордовиянь искусствань школатненень максови од оснащения ды музыкальной инструментт «Семья» нацпроектэнть коряс. Важодемань прявт ёнкстнэстэ вейкекс ашти эйкакшонь искусствань школатнень неень шкань музыкальной инструменттнэсэ ды оборудованиясо пештемась. Истя, 2019-2024 иетнестэ «Культура» национальной проектэнть лувсо регионсонть одкстомтозельть 12 учрежденият. Сынст ютксо-эйкакшонь музыкальной школась-интернатось, Орданьбуень, Покш Березникень, Ичалковской, Ромодановской, Инсарской эйкакшонь искусствань школатне, Рузаевской ды Чамзинской районтнэнь искусствань школатне, Сураев-Королев лемсэ Сыре Шайговань эйкакшонь искусствань школась, истя жо 1-це ды 4-це № эйкакшонь музыкальной школатне, Саранскоесь ды Ф.Сычков лемсэ Саранскоень художественной училищась. Учреждениятненень максозь пианино, баянт, домрат, балалайкат, скрипкат, духовой инструментт, синтезаторт, ударной установкат, акустической системат ды ламо лия мезе. Те ёнкссонть важодемась поладови «Семья» национальной проектэнть лувсо. 2026 иестэ арсеви пештемс Мордовия Республикань эйкакшонь искусствань ниле школат. Учреждениятнес пачтявить неень шкань музыкальной инструментт, истя жо тонавтнемань ды технической оборудования.