Россиянь Президентэсь вастневсь Мордовиянь Прявтонть марто.

Россиянь президентэсь, Владимир Путин вастневсь Мордовия Республикань Прявтонть Артём Здунов марто. Мордовиянь прявтось пачтясь Президентэнтень региононь социально-экономической виевгавтомадонть ды Госсоветэнть «Семья» ёнксонть коряс важодемадонзо. Кортамось мольсь республикань бюджеттэнть, деловой активносттенть, промышленной производствань динамикадонть, велень хозяйствадонть, СВО-нь участниктненень лездамодонть ды зярыя лия ёнкстнэде. Владимир Путин макссь покш питне Мордовиясо промышленностень виевгавтомантень, инвестициянь политикантень ды велень хозяйствань отраслясо изнявкстнэнень. «Кеман, тевтне, конат аштить региононть икеле, кармить тынк команданк, тынк вановтонк ало витевеме», — тешкстызе РФ-нь Президентэсь.