Мордовиясь аноксты Ине Изнямонь 81 иетнень тешкстамонтень.

Республикань Кудосонть ютавтовсь МР-нь Правительствань промксось, косо кортасть Ине Отечественной войнасо Изнямонь 81 иетненень алтазь кенярксчинь мероприятиятнень ютавтомантень анокстамодонть. Кода тешкстызе МР-нь Правительствань Председателесь Батыр Эмеев, Республикань Прявтонть Артём Здуновонь кармавтоманзо коряс анокстави синхронизированной важодема весе министерстватнень ды ведомстватнень, муниципальной образованиятнень прявттнэнь масторонь прявт кенярксчинтень анокстамонть коряс. Истя жо витнесызь кеврунготнень, обелисктнень, конат аштить Мордовиясо.

— Историянь ледстнематнень ванстомась-аволь ансяк формальность, те минек долгось маштовозтнень икеле. Кенярксчинь чись канды региононь эрьва эрицянть туртов нравственной покш смусть, ды минек тевенек ютавтомс кенярксчинь мероприятият покш организационной уровнясо ветерантнэнень ды весенень, кить ютызь сеть кежей иетнень, — яволявтсь Батыр Эмеев.

Кода ёвтнесь МР-Нь Правительствань Председателень васенце полавтыцясь Галина Лотванова, Мордовиясо лововить Ине Отечественной войнань участниктнень 1111 ветерант ды 313 доват.

Меельце иетнень перть республикась покш мель явсь ветерантнэнь эрямонь-аштемань условиятнень вадрялгавтомантень. 17 иетнень перть федеральной бюджетстэ пачтязь 6,4 млрд.ламо целковойть ветерантнэнень эрямо таркатнень явоманть туртов, тень вельде 6583 ломанть совасть эрямо од квартиратнес.

Ветерантнэнень явови социальной лезкс. Мелят неть тевтнес ютавтозь 72,7 миллионт целковойть ды малав 25 миллионт 2026 иень васенце кварталстонть. Тылэнь 76 важодицятне-эрьва ковонь ярмаконь пандомань получицят. 2015 иестэнть саезь Мордовия Республикань законсонть кемекстазь Изнямонь чинтень ветерантнэнень эрьва иень ярмаконь пандомат. Тедеде кенярксчинтень сыненст явовить 10 000 целковойть ды ярсамопелень наборт. Эрьва ветеранонтень поздоровт ёвтыть башка. Республикань келес ютавтовить торжественной митингт, кенярксчинь концертт, спектаклят, патриотической акцият. Сынст ине инжекс ВОВ-нь ветерантнэде башка кармить специальной военной операциянь участниктне ды сынст семиятне.

Тешкстамонтень анокстамонть лувсо витнесызь весе кеврунготнень, обелисктнень, мемориальной лазтнэнь, воинской калмотнень, истя жо подходтнэнь ды таркатнень. Мордовиясо весемезэ лововить 582 кеврунгот, 430 эйстэст культурань тевкадовксонь объектт, 16 — тне-эрямонь пунктнэсэ, косо кияк а эри.

Муниципальной власттне истя жо кармить ладямо сеттнень, конат апак кемекста собственностес эли а аштить кадастрань учётсо.