«Мокшень и эрзянь кяльса диктант»

15-це апрельста Мокшень и эрзянь кялень Всероссийскяй шинь карша, Мордовиянь сембе райоттнень и ся региоттнень эса, коса эряйхть мокшэрзятне, ётафтови «Мокшень и эрзянь кяльса диктант»  Всероссийскяй образовательнай акция. Сонь целец — максомс возможность сембонди, кинь мялец, проверямс шачема-касома (мокшень и эрзянь) кяленц коряс содамошинзон. Саранскяйса акциять ётафтоманкса площадкакс арай Н.П.Огарёвонь лемса МГУ-нь филологическяй факультетсь. Ушеды сёрмадомась кемголмува частса шить.