Мордовиянь театратне аноклайхть оцю гастрольхненди

Россиянь Культурань министерствась аноклась театратнень колга списка, конатне «Большие гастроли» федеральнай программать лезксонц вельде эсь творчестваснон мархта содафтсазь эрь кодама уженява странаньконь эряензон.

Программань участникне кочкавихть конкурснай основа вельде.   Тя кизоня уже поступась 452 заявка. Экспертнай комисссиясь кочкась эздост 254 коллектив. И ётксост МР-нь някань Государственнай и Мокшэрзянь государственнай национальнай драматическяй театратне.
Саранскяень някань театрась Орёл ошень иттненди няфтсы В. Брыжинскяень пьесанц коряс   «Журавлиная дорога» спектакльть. А синь няфтьсазь Саранскяень публикати А. Пушкинонь «Сказка о рыбаке рыбке»  ёфксонц коряс постановкать.
Мокшэрзянь театрань актерхне сексенда молихть Кудымкар ошу «Масторава», «Ромео и Джульетта» , «Дракула» спектакльхнень мархта. Саранскяень зрительхне няйсазь Коми-Пермяцкяй национальнай драмтеатрань спектакльхнень.