САРАН ОШСО ПАНЖОВИ «ФРЕСКИ ВРЕМЕНИ» НЕВТЕМАСЬ

Якшамковонь 17-це чистэ 16.00 чассто С.Д. Эрьзя лемсэ изобразительной искусствань музейсэ панжови Ирина Барягинань «Фрески времени» персональной невтемазо. Экспозициянтень совасть 50 ламо живописень ды декоративно-прикладной искусствань произведеният, конатне топавтозельть меельце 20 иетнень перть. Теде башка, вернисажонть лувсо ютавтови Ирина Барягинань авторской оршамопелень пурнавксонь невтемась. «Фрески времени» проектэсь топавтови Россиянь художествань академиянь Равчирень отделениянть, Россиянь артыцятнень шкинемань вейсэндявксонть ды Мордовиянь дизайнертнэнь вейсэндявксонть лезксэст вельде. Поладови од важодемась даволковонь 17-це чис. Ирина Барягина – живописец, дизайнер, модельер, фотограф. Чачсь Саратова ёнксонь Балаково ошсо. Весе Россиянь, регионъютконь, раськеютконь выставкань участник. Художникенть важодеманзо ванстовить Россиянь ды омбо масторонь частной коллекциятнесэ.